Jack Nicholson kynþokkafullur með appelsínuhúð

Slúðurpressan vestanhafs svífst einskis í fréttaflutningi þegar stórstjörnur spranga um létt klæddar.

Herlegheitin eru mynduð úr launsátri svo almenningur fái tækifæri á að grannskoða skvap þeirra og að ekki sé minnst á appelsínuhúð.

Nýverið birtust í erlendu pressunni myndir af leikaranum Jack Nicholson þar sem hann sprangaði um á sundskýlunni einni saman.

Þar var sérstaklega tekið fram að sjötugi ellismellurinn væri ennþá sjóðandi heitur löðrandi í kynþokka þrátt fyrir áberandi mikla appelsínuhúð.