Shiloh tveggja ára í dag

Heimurinn hefur fylgst grannt með Shiloh, dóttur Angelinu Jolie og Brad Bitt, sem fæddist í Namibíu 27. maí árið 2006.

Stelpan virðist vera pollróleg í fangi föður síns þrátt fyrir stöðugt áreiti ljósmyndara sem eltir fjölskylduna hvert fótmál.

Shiloh er eina barn Brangelinu sem ekki er ættleitt og nú bíður heimspressan spennt eftir að Angelina fæði tvíburana í ágúst.

Parið hefur nú þegar sett til hliðar litlar 20 milljónir dollara til að fæða tvíburana sína sómasamlega í Frakklandi.

Unga Shiloh hefur ferðast um víða veröld í fylgd með foreldrum og systkinum: Maddox, 6 ára, Pax Thien, 4 ára, og Zahara, 3 ára.

Síðan barnið birtist á forsíðu tímaritsins People með foreldrum sínum aðeins nokkurra daga gömul hefur heimspressan séð til þess að heimurinn fái að fylgjast með stúlkunni sem er af útlitinu að dæma hrikalega góð blanda af Brad og Angelinu.