Courtney Love heldur áfram að léttast - myndir

Söngkonan Courtney Love hefur grennst afar mikið á mjög skömmum tíma eins og myndirnar sýna.

Í kjölfarið fóru af stað sögusagnir um að hún hafi farið í magaminnkunaraðgerð en söngkonan þvertekur fyrir það.

,,Ég myndi aldrei fá að fara í magaminnkunaraðgerð, jafnvel þótt ég grátbæði um það. Ég fékk hvatann til að léttast frá Oprah en hún notaði Slim-Fast drykkinn," sagði 42 ára söngkonan en spjallþáttadrottningin Oprah Winfrey grenntist mikið árið 1988 þegar hún drakk megrunardrykkinn Optifast sem er lyfseðilskyldur.