Förðunarfræðingur Angelinu Jolie látinn

Förðunarfræðingur Angelinu Jolie, Paul Starr, fannst látinn í íbúð sinni í Los Angeles í gær. Dánarorsök hans er ekki kunn samkvæmt fjölmiðlum vestan hafs.

,,Þegar ég sat hjá honum (Paul Starr) í förðunarstólnum ræddum við um allt á milli himins og jarðar. Allt frá heimsmálum til barnauppeldis," er haft eftir Angelinu Jolie.

Árið 2005 gaf Paul út bók sem ber heitið: Conversations with Thirty Celebrated Women eða samtöl við þrjátíu frægar konur, þar sem hann ræddi við frægar kvenkyns Hollywoodstjörnur um ýmis ráð sem bættu útlit þeirra.

Paul Starr, sem var 48 ára gamall, var þekktur fyrir að farða Angelinu Jolie, Mariuh Carey, Jessicu Alba, Renee Zellweger, Önnu Hathaway og Jennifer Garner.