Keira Knightley keðjureykti og fræddist um kynlíf hjá mömmu

Leikkonan Keira Knightley, sem er 23 ára gömul, gerði sér glaðan dag með kærastanum Rupert Friend í Lundúnum eins og sést á meðfylgjandi myndum.

Í nýlegu viðtali við breska tímaritið Glamour segir Keira að hennar besti vinur er móðir hennar.

„Ég og mamma töluðum saman um kynlíf þegar ég var unglingur. Hún kom iðulega til mín í herbergið mitt og við fengum okkur sígarettu saman og spjölluðum um stráka, kynlíf og lífsins gagn og nauðsynjar."

„Það er kannski ekki týpiskt fyrir móðir og unga dóttir að reykja saman og spjalla en við gerðum það samt. Við höfum alltaf verið mjög nánar."