Katherine Heigl fær sínu fram í Grey´s Anatomy

,,Ég er sprelllifandi út alla næstu seríu," sagði Katherine Heigl þegar hún pósaði fyrir ljósmyndarana eins og myndirnar sýna en hún mun hafa verið afar ósátt með handrit seinustu þáttaraðar því hún taldi sig ekki hafa fengið mikið til að moða úr.

Leikkonan mun halda áfram að leika Dr. Izzie Stevens í þáttunum Grey's Anatomy sem ABC sjónvarpsstöðin framleiðir og sýndir eru á Stöð 2.

Talið var að Katherine myndi hverfa úr þáttunum en Stephen McPherson, framkvæmdastjóri framleiðsludeildar ABC, neitar því alfarið: ,,Katherine Heigl verður áfram í þáttunum. Söguþráðurinn í ár er magnaður og hún verður í rauninni allt í öllu í komandi þáttaröð."