Cameron Diaz á pikkföstu með fyrirsætu

Leikkonan Cameron Diaz og nýji kærastinn hennar, fyrirsætan Paul Sculfor, sem hún kynntist fyrir rúmum mánuði eru trúlofuð að sögn slúðurpressunnar vestra. Ástæðan þykir vera áberadi stór hringur á fingri hennar sem fer ekki fram hjá neinum sem verður á vegi hennar.

Samkvæmt  Daily Mail þá er Diaz ánægð með fyrirsætuna sem vel á minnst átti stutt ástarævintýri með leikkonunni Jennifer Aniston en þær stöllur virðast skiptast á karlmönnum eins og ekkert væri eðlilegra.