Mills svíkur einfætta konu

Heather Mills er kannski ekki jafn öflug í góðgerðarmálum og hún sýnist. Mills, sem er einfætt, hefur lengi vakið athygli á málstað þeirra sem misst hafa útlimi af völdum jarðsprengja.

Maria Rybkinu er rússnesk kona sem missti fætur sína þegar hún var fimm ára. Fyrir fjórum árum lét Mills mynda sig með konunni, sem á þeim tíma fór allra ferða sinna með því að ýta sér á hjólabretti, og sagðist sjálf munu punga út tuttugu þúsund pundum fyrir gerfifótunum handa henni.

Samkvæmt frétt dagblaðsins The Sun leið hinsvegar og beið, og ekkert bólaði á peningunum. Svo fór fyrir rest að Rybkina fékk sína gerfifætur annars staðar.

Í millitíðinni skildi Mills hinsvegar við Paul McCartney. Meðal þess sem hún fór fram á við skilnaðinn var að fá milljón punda á ári til góðgerðarmála.