Redknapp vill fá Wright-Phillips

Harry Redknapp vill fá Shaun Wright-Phillips, vængmann Chelsea, til Portsmouth. Hann telur að leikmaðurinn yrði frábær viðbót við leikmannahópinn.

„Ef við ætlum að halda áfram þar sem frá var horfið á síðasta tímabili þurfum við að bæta við okkur leikmönnum. Shaun gæti gefið okkur eitthvað sem okkur vantar," sagði Redknapp.

„Við þurfum leikmann eins og hann, einhvern sem getur tekið á rás með boltann og leikið á mótherjann," sagði Redknapp. Portsmouth vann FA bikarinn á síðasta tímabili en félagið festi nýverið kaup á sóknarmanninum Peter Crouch frá Liverpool.

Redknapp er einni á eftir Younes Kaboul, varnarmanni Tottenham, en Aston Villa og Sunderland hafa einnig áhuga á leikmanninum.