Uma hittir kúgarann

Maður sem er sakaður um að ofsækja Umu Thurman fær loksins ósk sína uppfyllta þegar hann hittir hana fyrir rétti í New York á mánudaginn.

Leikkonan ber vitni í málinu gegn hinum 35 ára Jack Jordan, sem er gefið að sök að hafa áreitt Thurman og elt hana á röndum. Hann hefur meðal annars sent henni teikningar og bréf þar sem hann hótar að fremja sjálfsmorð byrji hún með öðrum en sér.

Ákæruvaldið bauð Jordan í fyrstu samning. Ef hann færi í sálfræðimeðferð gæti hann komist hjá réttarhöldum og mögulegri refsingu. Þessu hafði maðurinn engan áhuga á, enda voru réttarhöldin fyrirtaks tækifæri til að hitta átrúnaðargoðið augliti til auglitis.