Lost-stjarna mætt á djammið á ný - myndir

Til Michelle Rodriguez, sem er ein af fyrrverandi stjörnum Lost þáttanna, hefur ekki sést lengi. Hún er stödd á Hawaii þar sem hún er elt af ljósmyndurum sem keppast við að mynda hana í annarlegu ástandi.

Michelle, sem afplánaði 18 daga af 180 daga dómi sem hún hlaut fyrir að brjóta skilorð fyrir ári, er tíður gestur á næturklúbbum.

Leikkonan var á skilorði fyrir að hafa í þrígang verið tekin fyrir að keyra undir áhrifum áfengis og var henni gert að gegna samfélagsþjónustu.

Hún varð uppvís að því að leggja fram fölsuð gögn um að hún hafi verið að sópa götur í Los Angeles. Dómari komst að raun um það að hún hafi verið stödd í New York þann dag.