Borgarstjóri óskar borgarbúum til hamingju með Bitruvirkjunarákvörðun

Ólafur F. Magnússon borgarstjóri óskar borgarbúum til hamingju með að Bitruvirkjun hefði verið slegin af. Þessi orð féllu á borgarstjórnarfundi fyrir skömmu samkvæmt tilkynningu sem Vísi barst frá Svandísi Svavarsdóttur, borgarfulltrúa vinstri-grænna.

Í tilkynningunni kemur fram að Ólafur kveði fast að orði og mun fastar en fulltrúar meirihlutans í stjórn Orkuveitunnar í morgun. Þar sagði: „Það er stefna stjórnar Orkuveitu Reykjavíkur að gæta varúðar í hvívetna við framkvæmdir við framkvæmdir á vegum fyrirtækisins.

Að fengnu áliti Skipulagsstofnunar á mati á umhverfisáhreifum Bitruvirkjunar samþykkir stjórn OR að hætta undirbúningi Botruvirkjunar og að fresta öllum frekari framkvæmdum á svæðinu. Ákvörðun um framhald verkefnsisins verði tekin að höfðu samráði við sveitarststjórnir eigenda Orkuveitu Reykjavíkur og sveitarfélagsins Ölfuss.“