Stoltenberg ræddi við Brown um málefni Íslendinga

Jens Stoltenberg, forsætisráðherra Noregs, segir að alvarleg staða blasi við Íslendingum, fái þeir ekki lán Alþjóðagjaldeyrissjóðsins fljótlega.

Stoltenberg tók málið upp í heimsókn sinni til Browns í bústað hans við Downingstræti 10 í dag. Þetta kemur fram í frétt á vef NTB nú undir kvöld. Þar er greint frá IceSave deilunni og þeim vandræðum sem hún veldur Íslendingum.

„Ég vona að það náist lausn á málinu," segir Stoltenberg við NTB.

Fullyrt er að Bretar, Hollendingar og fleiri ríki innan ESB reyni að hindra að lánsumsókn Íslendinga hjá Alþjóðagjaldeyrissjóðnum verði tekið fyrir áður en búið er að komast að samkomulagi um Icesave reikninganna.