Farþegar komnir í Leifsstöð

Farþegar með vél á vegum Heimsferða eru nú komnir inn í Leifsstöð. Þeir sátu fastir í vélinni á Keflavíkurflugvelli í eina tvo tíma vegna veðurs.

Flugvélin kemst ekki að Leifsstöð vegna veðurs en vélin lenti um sex-leitið í dag. Svipað var upp á teningnum í gærkvöldi er farþegar úr þremur vélum, samtals um 450 manns, sátu fastir í vélunum í eina fimm tíma.

Ástandið nú var ekki jafnalvarlegt, aðeins var beðið eftir að vind lægi aðeins áður en farþegarnir voru sóttir út í vélina.