Samningafundur í gangi í Karphúsinu

Samningafundur stendur nú yfir í Karphúsinu við Borgartún í Reykjavík milli Samtaka atvinnulífsins annarsvegar og Starfsgreinasambandsins og Flóabandalagsins hins vegar.

Búist er við að fundinum ljúki nú á sjötta tímanum en til nýs fundar verði boðað á mánudag og þá hefjist lokaatlagan að gerð gerð nýrra kjarasamninga.

Þeir samningar munu væntanlega leggja línurnar fyrir kauphækkanir sem almennt verða í landinu næstu þrjú árin. Landssambönd innan Alþýðusambands Íslands, þar á meðal iðnaðarmanna og verslunarmanna, ákváðu í gær að fylgja sömu meginlínu og Starfsgreinasambandið og Flóinn eru að semja um við Samtök atvinnulífsins.