Fengu 30% hærra verð fyrir minkaskinn

Íslenskir loðdýrabændur fengu þrjátíu prósent hærra verð fyrir minkaskinn á uppboði í Kaupmannahöfn í vikunni miðað við síðasta uppboð sem var í desember.

Tíu þúsund íslensk skinn voru boðin upp og reyndist meðalverðið um 3.400 krónur fyrir hvert skinn. Einar K. Guðfinnsson, sjávarútvegs- og landbúnaðarráðherra, var viðstaddur uppboðið en í frétt frá ráðuneytinu kemur fram að verðhækkunin hafi komið ánægjulega á óvart, og eru skýringarnar raktar til kulda í Rússlandi og Kína.