Borgarlögmaður gagnrýnir forsíðu Fréttablaðsins

Kristbjörg Stephensen borgarlögmaður hefur sent frá sér yfirlýsingu vegna forsíðu Fréttablaðsins í dag. Segir Kristbjörg að fyrirsögnin á forsíðunni gefi ekki rétta mynd af samskiptum hennar og Vilhjálms Þ. Vilhjálmssonar.

Yfirlýsingin hljóðar svo: „Forsíðufyrirsögn Fréttablaðsins í dag gefur ekki rétta mynd af samskiptum okkar Vilhjálms Þ. Vilhjálmssonar um ummæli hans í Kastljósi. Við Vilhjálmur vorum sammála um að það væri ekki hlutverk embættismanna að tjá sig um samskipti sín við kjörna fulltrúa heldur væri eðlilegra að hann tjáði sig um málið sem hann og síðan gerði. Ég mun ekki tjá mig frekar um málið."