Jessica Alba orðin mamma

Leikkonan Jessica Alba og maðurinn hennar Cash Warren eignuðust stúlkubarn um helgina samkvæmt Us Magazine. „Hún er mjög falleg," staðfesti stoltur faðirinn.

Parið, sem kynntist við tökur á kvikmyndinni Fantastic Four árið 2004, gifti sig í leynilegri athöfn 20. maí síðastliðinn og leikkonan sagðist hafa sínar ástæður fyrir að vilja lágstemmda athöfn.

„Ég á líklega eftir að gifta mig hjá sýslumanni, halda stóra veislu fyrir fjölskylduna og láta það duga. Allir sem ég þekki hata brúðkaup," sagði Jessica í viðtali fyrr á árinu.