David vill að Posh hætti að versla

Það ku vera eitthvað annað en gjafmildi sem olli því að David Beckham gaf sinni heittelskuðu Viktoríu vínekru á dögunum. Beckham pungaði út milljónum dollara fyrir vínekruna í Napa Valley í Kaliforníu í tilefni af 34 ára afmæli eiginkonunnar.

Vissulega frekar grand afmælisgjöf, en samkvæmt frétt Full Disclosure voru ástæður fyrir henni. „David finnst að Victoria þurfi að finna sér eitthvað annað að gera en að versla og djamma," sagði heimildamaður miðilsins. „Hann vonar að hún fái áhuga á víniðnaðinum og fari að lifa aðeins reglulegra lífi."