Enn einn skandallinn hjá Miley

Táningastjarnan Miley Cyrus vakti athygli fjölmiðla þegar myndir af henni fáklæddri birtust í tímaritinu Vanity Fair. Miley litla fékk skömm í hattinn fyrir það og gaf í kjölfarið frá sér yfirlýsingu, þar sem hún harmaði myndirnar, og sagðist engan veginn hafa átt von á því að þær væru svona krassandi.

Nú er því hinsvegar haldið fram í slúðurpressunni að hin unga Miley Cyrus eigi í eldheitu ástarsambandi við ónefndan karlmann sem er hvorki meira né minna en sjö árum eldri en unga saklausa stúlkan. En maðurinn, sem hefur það að atvinnu að dansa á sviði með Cyrus, er hvorki meira né minna en 22 ára gamall.

„Ég sat fyrir í myndaþætti sem átti að vera listrænn, en þegar ég sé myndirnar og les viðtalið skammast ég mín svo mikið," sagði hin 15 ára Cyrus. „Þetta átti aldrei að fara svona, og ég bið aðdáendur mína, sem mér þykir afar vænt um, innilegrar afsökunar."