Fuglaflensa hreiðrar um sig í Egyptalandi

Egypskur karlmaður lést í dag af völdum H5N1 afbrigði fuglaflensu. Þar með hafa 21 manns látið lífið af völdum fuglaflensu í Egyptalandi undanfarin misseri.

Karlmaðurinn sem lést í dag var 19 ára gamall og sýktist þegar hann komst í snertingu við sýkta fugla. 25 ára kona lést af völdum H5N1 afbrigðisins í síðasta mánuði. Þetta er þriðji veturinn í röð sem fuglaflensa lætur á sér kræla en veiran lætur lítið fyrir sér fara á sumrin. Fuglaflensa fannst fyrst í Egyptalandi árið 2006.

230 hafa látist af völdum fuglaflensu síðan árið 2003 en Egyptaland er það land utan Asíu sem mátt hefur þola flestu dauðsföllinn af völdum fuglaflensu.