Britney Spears er öll að koma til og verkefnin láta ekki á sér standa. Söngkonan virðist vera í fínu jafnvægi þrátt fyrir erfiða tíma undanfarið ár, svo ekki sé meira sagt.
Britney vann við tökur á myndbandi kvennasveitarinnar Pussycat Dolls síðastliðinn fimmtudag við nýja lagið þeirra: When I Grow Up. Þar birtist söngkonan keyrandi framhjá syngjandi stúlknasveitinni á sportbíl og þær vinka allar hver annarri.
Þetta er ekki í fyrsta sinn sem Britney starfar með stelpusveitinni sem gerir út á kynþokkann.
Nýverið settu þær saman, ásamt fleiri léttklæddum vinkonum, óvænt söngatriði fyrir afmælisveislu Bryan eldri bróður Britney.
