Ramsey á Vegamótum

Stjörnukokkurinn Gordon Ramsey sem staddur er hér á landi brá undir sig betri fætinum í gærkvöldi. Hann sat á efri hæðinni á Vegamótum í góðra vinahópi með drykk við hönd.

Kokkurinn sem hefur vakið mikla athygli í þáttum sínum "Hells Kitchen" sem sýndir eru á Stöð 2 naut mikillar athygli á Vegamótum í gærkvöldi, enda stór stjarna í kokkaheiminum. Ramsey er samt líklega frægari fyrir að blóta en elda, og lætur allt flakka í eldhúsinu.

Nokkrar stúlkur sátu umhverfis kokkinn og ræddu við hann og vini hans í gærkvöldi. Samkvæmt heimildum Vísis fer Ramsey af landi brott í dag.