Erlent

Írakar fordæma innrás Tyrkja

Tyrkneskur hermaður við landamærin að Írak áður en Tyrkir létu til skarar skríða.
Tyrkneskur hermaður við landamærin að Írak áður en Tyrkir létu til skarar skríða. MYND/AFP

Íraska stjórnin hefur fordæmt innrás Tyrkja á Kúrda í norðurhluta Írak. Í yfirlýsingu stjórnarinnar mótmæla Írakar harkalega og skora á tyrknesk yfirvöld að draga herlið sitt til baka án tafar.

Átök á svæðinu halda áfram fimmta daginn í röð. Tyrkneskar sveitir erku að nálgast lykilsvæði uppreisnarmanna í Zap dalnum nálægt landamærum landanna. Þá eru fréttir af átökum á fjallasvæðum í Hakurk.

Tyrkneski herinn segist hafa drepið 153 uppreisnarmenn og misst 17 hermenn frá því átökin hófust á fimmtudagskvöld. Uppreisnarmenn kúrdíska verkamannaflokksins PKK segjast hins vegar hafa drepið 81 hermann. Hvorugar fréttir hafa fengist staðfestar af óháðum aðilum.

Yfirvöld í Ankara saka írösk stjórnvöld um að hafa mistekist að stöðva hópinn í að nota svæðið sem skjólshús.


Tengdar fréttir

Tyrkir ráðast inn í Írak

Tíu þúsund manna tyrkneskt herlið réðst í dag yfir landamæri Íraks til að ráðast á búðir skæruliða Kúrdiska verkamannaflokksins svonefnda.

Ber ekki saman um mannfall

Talsmönnum stríðandi fylkinga við landamæri Tyrklands og Írak ber ekki saman þegar kemur að því meta mannfall í átökum á milli kúrdískra skæruliða og tyrkneska hersins.

Tyrkir segjast hafa fellt tugi Kúrda

Tyrkneski herinn segir að 41 Kúrdi hafi fallið í nýjustu átökunum í norðurhluta Íraks. Er tala fallinna þá komin upp í 153 síðan að Tyrkir réðust inn í Kúrdahéruðin fyrir síðustu helgi. Á sama tíma segir kúrdísk fréttastofa að uppreisnarmönnum hafi tekist að hrekja tyrkneska hermenn á flótta á sumum átakasvæðunum.

79 Kúrdar hafa fallið í átökum við Tyrki

Tyrknesk yfirvöld sögðu í dag að 79 kúrdískir uppreisnarmenn hefðu fallið í átökum við tyrkneska herinn í norðurhluta Írak síðan hersveitir fóru inn í landið á fimmtudagskvöld. Sjö tyrkneskir hermenn hafa fallið í sömu átökum að sögn yfirvalda.

Yfir 50 láta lífið í bardögum í Norður-Írak

Að minnsta kosti fimm tyrkneskir hermenn hafa látið lífið í bardögum í Norður Írak frá því innrás tyrkja hófst á fimmtudaginn. Á sama tíma hafa um 50 kúrdískir skæruliðar fallið að sögn tyrkneska hersins.

Kúrdar vilja að Bandaríkin beiti sér

Nechervan Barzani, forsætisráðherra Kúrdahéraðanna í Norður Írak, gagnrýndi stjórnvöld í Bagdad í dag fyrir linkind gagnvart tyrkjum. Krafðist hann þess að stjórnvöld tækju harðari afstöðu gegn innrás Tyrkja í landið.

Mest lesið


Fleiri fréttir

Sjá meira


×

Mest lesið