Brjóstin tengdust skilnaðinum ekkert

George Clooney heldur því víst fram að hann hafi hætt með kærustunni, hinni íturvöxnu Söruh Larson, því hún hafi verið svo málglöð. Þetta getur hún ekki tekið undir, og segir að skilnaðurinn hafi verið vegna þess hve mikla þörf hún hefur fyrir frelsi.

Clooney sagði Söruh upp í síðasta mánuði, og þótti stúlkunni orðið tímabært að tjá sig um sambandsslitin. „Fólk heldur að við höfum hætt saman vegna þess að hann þurfi frelsi. Það er ekki bara hann. Ég er mikil flökkukind og get ekki ákveðið mig hvar ég vil búa," sagði Sarah í viðtali við Daily Star.

Larson á hús í Las Vegas, en Clooney hinsvegar í Los Angeles, New York og á Ítalíu, og það mun einmitt hafa verið rifrildi um það hvar væri best að búa sem olli því að parið hætti saman. Sarah segir það hinsvegar ekkert með meinta brjóstastækkun hennar að gera, eins og illgjörn slúðurpressa hefur haldið fram.