Börn Bruce og Demi sameinuð á frumsýningu - myndir

Rumer Willis, dóttir leikaranna Demi Moore og Bruce Willis, fer með eitt af aðalhlutverkunum í kvikmyndinni The House Bunny sem frumsýnd var í Bandaríkjunum í gær.

Demi og Bruce, sem skildu árið 1998 eftir 11 ára hjónaband, mættu ásamt mökum á frumsýninguna til að styðja dótturina. Einnig mættu börnin þeirra tvö, Talullah Willis og Scout Willis.

Eins og sjá má á meðfylgjandi myndum mætti Ashton Kutcher, eiginmaður Demi Moore, í strigaskóm sem vöktu mikla lukku viðstaddra.