Uppsafnaður halli Landspítalans er 2,4 milljarðar króna

Fram kemur í frumvarpi til fjáraukalaga að uppsafnaður rekstrarhalli Landspítalans nemur 2,4 milljörðum kr. og hefur hann stóraukist á síðustu árum. Sökum þessa er lagt til að spítalinn fái rúmlega 1,5 milljarða kr. til að mæta hallanum.

Hallinn frá árinu 2007 nemur 450 milljónum kr. en ástæðan fyrir þessari miklu aukningu nú er m.a. gengisfall krónunnar sem haft hefur í för með sér mikla hækkun á lyfjaverði.

Mörg önnur sjúkrahús eru einnig illa sett hvað halla á rekstrinum varðar. Þannig er farið fram á 200 milljón kr. viðbótarfjárveitingu til Sjúkrahússins á Akureyri en uppsafnaður halli þar nemur 300 miljónum kr..

Á höfuðborgarsvæðinu er farið fram á 450 milljóna kr. vegna hallareksturs Heilsugæslunnar. Hvað varðar heilsugæsluna/heilbrigðisstofnanir á landsbyggðinni er beðið um rúmlega 850 milljónir kr..