Nærri 900 milljónir króna í ábyrgðasjóð launa

Fjárheimild ábyrgðasjóðs launa hækkar samtals um 360 milljónir króna samkvæmt frumvarpi til fjáraukalaga sem lagt hefur verið fyrir Alþingi. Gerð er tillaga um 310 milljóna króna hækkun í ljósi þess að greiðslur úr sjóðnum hafa verið óvenju miklar það sem af er liðið af árinu 2008, segir í greinagerð með frumvarpinu.

Þar segir jafnframt að horfur séu á að gjaldþrotum muni fjölga á næstu mánuðum. Áætluð heildarútgjöld séu 869 milljónir króna en fjárlög hafi gert ráð fyrir 555 milljónum króna. Í öðru lagi sé áætlað að vaxtagjöld sjóðsins af skuld við ríkissjóð verði 110 milljónir króna sem sé 50 milljóna króna hækkun frá áætlun fjárlaga.