Angelina Jolie leitar ráða hjá klámstjörnu

Leikkonan Angelina Jolie hefur leitað til vinkonu sinnar, klámstjörnunnar Teru Patrick, í von um góð ráð fyrir hlutverk hennar sem Kattarkonan í væntanlegri kvikmynd um Leðurblökumanninn.

33 ára Angelina, sem fæddi tvíburana Vivienne Marcheline og Knox Leon í síðasta mánuði er góð vinkona klámstjörnunnar og heldur því fram að hún geti aðstoðað sig við að slípa til hreyfingarnar áður en hún ákveður hvort hún taki hlutverkið að sér.

Í New York Post er því haldið fram að Angelina og Tera ræði daglega saman á tölvutæku formi.

Eftir að tvíburarnir komu í heiminn hefur Angelina einnig verið beðin um að fara með aðalhlutverk í væntanlegri kvikmynd: The Thomas Crown Affair 2, við hlið Pierce Brosnan.

Að sama skapi leitast framleiðendur spennumyndarinnar Edwin A. Salt eftir að hún leiki aðahlutverkið í stað Tom Cruise sem fór fram á stjarnfræðilega há laun fyrir leikinn í þeirri mynd.