Heimili Siennu Miller útkrotað - myndir

Eins og myndirnar sýna hefur verið krotað stórum stöfum „slut" sem þýðir drusla, á heimili leikkonunnar Siennu Miller sem á ekki sjö dagana sæla í heimalandi sínu því breskir fjölmiðlar velta sér stöðugt upp úr ástarmálum hennar.

Sienna sem er 26 ára gömul, er nýkomin til Bretlands frá Bandaríkjunum, þar sem hún naut lífsins með gifta kærastanum, leikaranum Balthazar Getty.

Ef marka má breska fjölmiðla halda samlandar Siennu því fram að leiklistarferill hennar er í stórhættu eftir að hún byrjaði með 33 ára gifta Balthazar, sem er fjögurra barna faðir.