Tottenham á eftir Arshavin

Zenit frá Pétursborg heldur því fram að Tottenham hafi komið með tilboð í Andrei Arshavin. Eftir frammistöðu Arshavin með Rússlandi á Evrópumótinu er hann einn eftirsóttasti leikmaður álfunnar.

Barcelona, Chelsea og Arsenal hafa öll verið orðuð við leikmanninn. Verðmiðinn sem Zenit hefur sett á Arshavin er þó í hærra lagi samkvæmt fréttum.

Talið er að Zenit vilji fá um 20 milljónir punda fyrir leikmanninn sem er 27 ára. Hann hefur einnig verið orðaður við Manchester City en talsmaður Zenit sagði að félagið hefði ekkert heyrt frá félaginu.