Hayden Panettiere girnist Angelinu

Orðrómur um að Hayden Panettiere sé lesbísk hefur verið hávær undanfarin misseri. Þetta truflar Heroes stjörnuna ungu ekki hætis hót, eins og fram kom í viðtali við hana í The Sun á dögunum. Hún er meira að segja með óskalista ákveði hún að prófa kvenlegra bólfimi.

„Mér er alveg sama um þessar sögur. Ef það á að spyrða mig saman við einhvern, gæti ég alveg hugsað mér eldheitt ástarsamband við Angelinu Jolie, Jessicu Alba eða Charlie Theron. Kate Beckinsdale er líka æði," sagði leikkonan unga, og bætti við að það væri endalaust af fallegum konum þarna úti.