Eyjastelpur láta til sín taka

„Ég er að fara til Eyja og við erum sex hönnuðir sem erum allar tengdar Vestmannaeyjum á þessari hátíð sem heitir goslokahátíð Vestmannaeyja.

Nú er verið að opna nýja götu þar sem verið er að grafa upp. Það er búið að vera að vinna að því í nokkurn tíma og nú á að draga götuna upp á yfirborðið," segir Selma Ragnarsdóttir klæðskeri og kjólameistari aðspurð um næstu helgina.

„Við erum að vinna þetta í sameiningu. Við erum margir ólíkir fagmenn sem náum rosalega vel saman. Það verða mest sýningarstelpur frá Vestmannaeyjum sem sýna fatnaðinn. Þetta verða ungar, sætar og flottar Eyjastelpur."

„Tískusýningin verður á laugardaginn en hátíðin hefst á fimmtudaginn því

þá eru 35 ár síðan gosinu lauk."

„Ég ætla að vera með föt frá Starkiller sem ég vinn með Hörpu Einarsdóttur fatahönnuði en við erum í samstarfi með fatamerkið. Við ætlum að kýla á sýninguna um helgina en við höfum verið að vinna saman í Starkiller í rúmt ár með smá hléum. Þetta eru töffaraföt eins og nafnið gefur til kynna. Sterkt, öflugt og það ögrar."



Sjá dagskrá hátíðarinnar hér.