Björn fílar Batman

Björn Bjarnason dóms- og kirkjumálaráðherra er mikill kvikmyndaaðdáandi. Flestir vita um aðdáun ráðherrans á Die Hard myndunum með Bruce Willis fremstan í flokki. Björn er hrifinn af nýjustu Batman myndinni sem hann segir magnaða í öllu tilliti.

„Sérfróðir um kvikmyndir um leðurblökumanninn telja nýjustu myndina um hann Hinn myrki riddari - The Dark Knight þá bestu um þessa einstöku hetju réttlætisins og stríðið við illu öflin, sem holdgervast í Jókernum. Ég dreg þennan dóm ekki í efa. því að myndin er mögnuð í öllu tilliti," skrifar Björn á bloggsíðu sína í gær.