Ég var þunglynd en ekki dópisti

Leikkonan Kirsten Dunst steig loksins fram í sviðsljósið og ræddi opinskátt um þunglyndið sem hefur hrjáð hana.

Í febrúar síðastliðinn skráði hún sig í meðferð í Utah á meðferðarheimili ríka fólksins, Cirque Lodge Treatment Center, þar sem hún tókst á við þunglyndið.

Kirsten sagði í viðtali við sjónvarpsstöðina E!: "Ég var í stöðugri baráttu við sjálfa mig. Var þunglynd og sukkaði en fékk svo tækifæri til að fara á góðan stað til að hugsa betur um sjálfa mig. Ég var heppin og vinir mínir og fjölskylda stóðu þétt við bakið á mér."

Leikkonunni líður vel í dag að eigin sögn og er þess vegna tilbúin að ræða erfiðleikana opinberlega.