Mamma Pamelu vildi að hún væri lesbía

Móðir Pamelu Anderson á sér ósk fyrir hönd dótturinnar: að hún gæti bara verið lesbísk!

Upp úr stormasömu ástarlífi strandvarðarins fyrrverandi hafa sprottið þrjú misskammlíf hjónabönd - við Kid Rock, Tommy Lee og nú síðast Rick Salomon. Hann skildi hún við í haust, og flutti nýlega aftur til Tommy Lee.

Haft var eftir Pamelu í fjölmiðlum vestanhafs að móðir hennar óskaði þess heitt og innilega að hún væri lesbísk, svo hún losnaði við alla þessa drulludela.

Hvort það voru makarnir eða Pamela sjálf sem bar ábyrgð á því að hjónaböndin fóru í vaskinn er ekki vitað. Það er þó víst að þau entust óvenju illa. Hjónaböndin við Rick Salomon og Kid Rock dugðu í auma fjóra mánuði hvort, en við Tommy Lee hinsvegar í heil þrjú ár. Heil eilífð á mælikvarða brjóstabombunnar, sem hefur þó enn tækifæri til að bæta metið.

Mamman gleðst líklega ekki yfir að fá Tommy Lee aftur sem tengdason, en margir bíða eflaust spenntir eftir því að sjá heimamyndböndin. En víðfrægt heimamyndbnand þeirra, sem komst á dularfullan hátt í rangar hendur,  malaði gull í fullorðinsbúðum um allan heim.