Tevez: Virðið óskir Ronaldo

Carlos Tevez hefur stigið fram og biðlað til stjórnar Manchester United að hlusta á óskir Cristiano Ronaldo og virða draum hans að spila fyrir Real Madrid. Framtíð landsliðsmannsins portúgalska hefur tekið ansi mikið pláss í fjölmiðlaumfjöllunum sumarsins.

„Manchester United hefur marga frábæra leikmenn, þar á meðal er að sjálfsögðu Cristiano Ronaldo. Það er ljóst að hann er mjög mikilvægur leikmaður fyrir okkur en þetta er hans persónulega ákvörðun," sagði Tevez.

„Ég skil Cristiano. Öllum fótboltamönnum langar að leika fyrir Real Madrid. Reyndar held ég að allir vilja líka leika fyrir Manchester United. En ef hann vill leita annað finnst mér að það þurfi að sýna því skilning."

„Ég hef ekki rætt við hann. En þegar svona mál er í gangi þá er það slæmt fyrir báða aðila," sagði Tevez.