Kate og Lance stinga saman nefjum

Nú greina bandarískir slúðurmiðlar frá því að leikkonan Kate Hudson og hjólreiðakappinn Lance Armstrong séu að stinga saman nefjum.

Hudson er nýhætt með leikaranum Owen Wilson en sást nú um helgina í Texas með Armstrong. Þar fóru þau út að borða ásamt börnum Armstrong auk þess sem þau eyddu tíma saman tvö ein.

Það er samt talið flækja málin töluvert að Lance Armstrong er góður vinur Owen Wilson sem tók sambandsslit sín Hudson afar illa. Þetta er hins vegar ekki í fyrsta skiptið sem þeir róa á sömu mið því þeir hafa báðir verið kærastar söngkonunnar Sheryl Crow.