Ásdís hækkar í verði

Max blaðið sem Ásdís Rán sat fyrir í á dögunum sló öll sölumet í Búlgaríu.

Þessar ánægjulegu fréttir færðu útgefendur blaðsins Ásdísi í gær. Ásdís bloggar um málið í dag og segir þetta afar jákvæða þróun mála.

„Þetta eru mjög góðar fréttir fyrir mig því nú hækkar verðið á mér töluvert fyrir næstu tökur sem ég er búin að plana fyrir næsta ár," segir Ásdís, en fjöldi blaða hafa sýnt því áhuga að fá hana á síður sínar.

Ásdís hefur slegið rækilega í gegn í Búlgaríu síðan hún flutti þangað, og hefur meðal annars verði kosin fallegasta kona Búlgaríu.

Hún og eiginmaðurinn, Garðar Gunnlaugsson eru tíðir gestir á síðum slúðurblaðanna, og hefur Ásdís verið gestur spjallþátta auk þess að sitja fyrir hjá stærstu tímaritum landsins.