Segir ríkisstjórnina ekki hafa skaðast vegna ummæla Davíðs

Árni Mathiesen fjármálaráðherra segir rétt að Davíð Oddsson hafi varað ríkisstjórnina við ástandinu líkt og seðlabankastjóri sagði í ræðu á morgunverðarfundi Viðskiptaráðs í morgun. Árni segir að í kjölfarið hafi m.a verið farið í það að efla gjaldeyrisvaraforða Seðlabankans.

Árni sagði við fréttamenn niður í Alþingi fyrir stundu að hann hefði setið fund með þeim Geir og Davíð þar sem þessi mál voru rædd. Ingibjörg Sólrun hafi einnig verið á fundinum og líklegast Jóhanna Sigurðardóttir.

Árni segist ekki telja að ríkisstjórnin hafi skaðast vegna ummæla Davíðs en telur eðlilegt að Davíð hafi svarað fyrir sig í morgun, þar sem hart hafi verið sótt að honum undanfarnar vikur.

Fjármálaráðherra vildi ekki svara spurningu Helga Seljans fréttamanns Kastljóss um hvort hann treysti seðlabankastjóra í embætti.