Guy fer í taugarnar á Madonnu

Hjónaband Madonnu og leikstjórans Guy Ritchie er endanlega að renna út í sandinn en þau hvíldu sig ásamt börnunum þremur á Ítalíu í vikunni sem leið. Góðvinur hjónanna tjáði sig við The Sun um frí fjölskyldunnar:

„Þau bókuðu sitthvort herbergið og voru nánast allan tímann í sitthvoru lagi. Allt fríið var skipulagt fyrirfram. Það sem einkennir Madonnu og Guy út á við er að þau virðast vera sátt við að vera eingöngu félagar en ekki elskendur og ætla að ala upp börnin sín saman en sannleikurinn er bara sá, að þau eru aldrei sammála og fara hrikalega í taugarnar á hvort öðru."

Madonna hefur ráðið til sín lögfræðinginn Fiona Shackleton, sem sá um mál Bítilsins Paul McCartney, í erfiðum skilnaði hans við Heather Mills.