Amy Winehouse mynduð með hvítt efni í nös

Amy Winehouse yfirgaf skemmtistað í fyrradag þar sem hún spilaði tónlist fram á rauða nótt. Ekki fór fram hjá breskum og bandarískum fjölmiðlum að hún var með hvítt efni lekandi úr í nefinu, lampa í hendi og pabbakassa utan af bjór sem hún notaði óspart til að verjast ágengum ljósmyndurum.

Heimurinn fylgdist með því þegar söngkonan var lögð inn í 10 daga á sjúkrahúsi eftir að hún hné niður á heimili sínu fyrr í sumar og talsmaður söngkonunnar sagði hana vera undir ströngu eftirliti lækna og sækja spítalann reglulega í nákvæma skoðun. Annað virðist vera upp á teningnum hjá Winehouse ef marka má myndirnar sem teknar voru af henni.