Þrennt dæmt fyrir líkamsmeiðingar af gáleysi

Héraðsdómur Suðurlands dæmdi í dag karlmann í tveggja mánaða skilorðsbundið fangelsi fyrir líkamsmeiðingar af gáleysi með því að hafa verið valdur að hörðum árekstri.

Hann átti sér stað á Þrengslavegi í mars í fyrra en samkvæmt ákæru ók maðurinn of hratt og án nægilegrar aðgæslu og fór yfir að rangan vegarhelming og hafnaði á bifreið sem kom úr gagnstæðri átt. Ökumaður þeirrar bifreiðar hlaut mikla áverka. Þá var ökumaðurinn sem olli slysinu sviptur ökuleyfi í eitt ár.

Enn fremur var tvennt til viðbótar dæmt fyrir líkamsmeiðingar af gáleysi í Héraðsdómi Suðurlands í dag. Annar karlmaður hlaut tveggja mánaða skilorðsbundið fangelsi fyrir að hafa tekið U-beygju á Suðurlandsvegi án nægilegrar aðgæslu þannig að harður árekstur varð við aðra bifreið. Þá kona dæmd í eins mánaðar skilorðsbundið fangelsi fyrir að hafa ekið á gangandi vegfaranda á gangbraut á Selfossi.