Forsetahjón viðstödd vígslu óperuhúss í Ósló

Ólafur Ragnar Grímsson, forseti Íslands, og Dorrit Moussaieff forsetafrú hafa þegið boð Haralds Noregskonungs og Sonju drottningar um að vera viðstödd vígsluhátíð hins nýja óperuhúss í Ósló annað kvöld.

Fram kemur í tilkynningu frá forsetaembættinu að forsetahjónin verði gestir konungshjónanna í höllinni og sitji einnig hátíðarkvöldverð þar með öðrum gestum, meðal annars Margréti Danadrottningu og Törju Halonen, forseta Finnlands.

Óperuhúsið hefur þegar vakið víðtæka alþjóðlega athygli fyrir glæsilegan og listrænan byggingarstíl og er því ætlað að verða traustur grundvöllur nýrrar sóknar í norsku tónlistarlífi, segir forsetaembættið.