Útgáfutónleikar Jeff who? í kvöld

Glaðværu fimmmenningarnir í Jeff Who?, sem sendu 14. nóvember frá sér sína aðra breiðskífu, halda útgáfutónleika í kvöld.

Vísir hafði samband við Elís Pétursson bassaleikara og spurði hann út í tónleikana sem haldnir verða á Nasa.

„Það gengur vel við erum að sándtékka núna á Nasa," segir Elís.

„Við ákváðum að splæsa í strengjakvartett og fengum fjórar stelpur sem eru algjörir snillingar. Þetta er miklu stærra í sniðum en síðast."

„Það kostar fimmhundruð kall inn. Við viljum ekkert vera að rukka neitt óþarflega mikið. Við erum ekkert að græða á þessu þannig séð. Reynum bara að láta dæmið ganga upp," segir Elís.

Með Jeff Who? koma fram strengjasveitin, Esther Thalia, Haukur Gröndal og rokksveitin Dynamo Fog.

Myspacesíða Jeff who?