Ólafur F. fékk loksins að syngja - myndband

Ólafi F Magnússyni borgarstjóra er margt til lista lagt. Þetta sýndi hann og sannaði á tónleikum í Seljakirkju á dögunum þar sem söng Vorkvöld í Reykjavík með Eddu Borg. Frammistöðuna má sjá á YouTube.

Lagið er Ólafi greinilega hugleikið. 24 stundir greindu frá því á þriðjudag að borgarstjóri hefði undanfarið æft Vorkvöld í Reykjavík undir dyggri leiðsöng stuðmannsins nýráðna, Jakobs Frímanns. Á afmælisfagnaði íþróttafélagsins Fram hefði borgarstjórinn hrifsað hljóðnemann af Agli Ólafssyni sem þar söng og fór með gamanmál, og sagt að vel færi á því að hann sem borgarstjóri tæki lagið. Blaðið hefur það eftir sjónarvotti að Agli hafi litist miður vel á það, „afgreitt hann eins og drukkinn gest á Stuðmannatónleikum", tekið af honum hljóðnemann, og látið hann setjast.