Ingvi Hrafn sjónvarpsstjóri þolir ekki handbolta

„Ég skildi við handboltann fyrir þremur árum eftir hálfrar aldar sambúð því þá var ég búinn að fá nóg. Ég þoli þetta hjónaband ekki lengur. Ég er núna úti að keyra. Ég hef tvisvar verið mjög nálægt hjartaáfalli og þá eru ákveðnir hlutir sem ég get ekki eins og handbolti. Ég fór út þegar ég vissi að staðan var 27 - 22," svarar Ingvi Hrafn Jónsson bráðhress aðspurður um framtíð sjónvarpsstöðvarinnar ÍNN sem er að hans sögn loksins komin inn á rás 20 á á Adsl kerfi Símans til viðbótar við rás 20 á Digital Ísland.

„Þessa dagana erum við að undirbúa nýjan sjónvarpsþátt fyrir vetrardagskrá ÍNN þar sem íslensku brandarafólki gefst kostur á að fá 10 mínútur eða korter til að sanna í eitt skipti fyrir öll fyrir ættingjum og ekki síður áhorfendum að þeir eru í raun bráðfyndnir," svarar Ingvi Hrafn.