Jennifer Aniston með gjörbreytta efri vör

Leikkonan Jennifer Aniston og ungi kærastinn hennar, tónlistamaðurinn John Mayer, henta hvort öðru fullkomlega ef marka má það sem góður vinur leikkonunnar segir:

,,Það eru níu ár á milli þeirra og það hentar þeim báðum fullkomlega," er haft eftir vininum. ,,John kann að meta reynslu hennar, og Jennifer kann að meta úthald hans. Hún er í sjöunda himni."

Burtséð frá því er Jennifer, sem verður 40 ára innan hálfs árs, með töluvert þrýstnari varir en venjulega.

Þegar myndirnar af henni eru skoðaðar fer ekki á milli mála að hún hefur látið fikta við efri vörina.