Upptökur með Peaches Geldof að kaupa dóp

Lögreglan á Bretlandi ætlar að yfirheyra Peaches Geldof, dóttur sir Bob Geldof, eftir að hún sást á myndbandsupptöku að kaupa fíkniefni. Svo virðist sem um sama fíkniefnasala sé að ræða og Amy Winehouse verslar við.

Myndbandið sem hér um ræðir sýnir Amy Winehouse reykja krakk en við nánari skoðun kom í ljós að Peaches er í bakgrunninum og sést afhenda fíkniefnasalanum tæplega 200 pund um leið og hún segir að hún þurfi sennilega á valíum að halda daginn eftir.

Peaches hefur ætíð neitað því að nota kókaín en kókaín og önnur fíkniefni drógu móður hennar, Paulu Geldof til dauða.

Málið hefur komið illa við kaunin á föður Peaches sem vill alls ekki að dóttir sín fari á sömu braut og eiginkonan.