Leit að rjúpnaskyttunni hafin

Hátt í áttatíu björgunarsveitarmenn hófu í morgun leit að rjúpnaskyttunni, sem saknað hefur verið í uppsveitum Árnessýslu síðan á laugardag. Sporhundarmenn eru með í för og tveir leitarmenn eru á hestum, sem er nýlunda. Þá er verið að búa þyrlu Landhelgisgæslunnar til leitar. Eftir lítilsháttar úrkomu í nótt er smá snjóföl yfir leitarsvæðinu, en að öðru leiti eru leitarskilyrði góð, það er bjart, stillt og frost er fimm til sex stig. Maðurinn sem leitað er að, er um sjötugt. Hann er vanur útivist og mun vera all vel búinn.-